15 марта 2016 г.
Раççей Федерацийĕн Президенчĕн В.Путинăн 2012 çулхи майăн 7-мĕшĕнчи "Раççей Федерацийĕнчи демографи политикине реализацилемелли мерăсем" çинчен калакан Указĕпе килĕшỹллĕн 3 çул тултарман ачапа килте ларакан хĕрарăмсене хушма професси илме пулăшас, професси ăсталăхне ỹстерес тесе ятарлă мерăсем йышăннă.
Çавна май ачасене 3 çулччен пăхакан хĕрарăмсене хушма професси илме майсем туса панă. Вĕсем парикмахер, маникюрша, ПВЭМ операторĕ, визажист, флорист, АСБУ операторĕ "1С: предприятие 8" профессийĕсене вĕренме пултараççĕ. Сăмахран, çитес вăхăтра ача пăхакан пĕр хĕрарăм хăйĕн пĕлỹ шайне ỹстерес тĕллевпе АСБУ операторĕ "1С: предприятие 8" профессие вĕренме тытăнĕ. Вĕренес текен амăшĕсене стипенди тỹлеççĕ, çул укçине саплаштараççĕ.
Çавна май ача амăшĕсене пĕлĕве ỹстерме йыхравлатпăр. Тĕплĕнрех информаципе районти ĕçпе тивĕçтерекен центрта паллаштарĕç.
К.КОКШИН,
директор.
Источник: "Каçал Ен"