11 марта 2016 г.
2016 çулхи мартăн 1-мĕшĕнче "Чăваш кĕнеки. Çамрăк талантсем" регионсем хушшинчи конкурс старт илнĕ. Унта 6-17 çулхи вĕренекенсем хутшăнма пултараççĕ. Ĕçсене чăвашла та, вырăсла та хатĕрлемелле.
Кăçал конкурс виçĕ номинаципе иртĕ:
- "Лучший рассказ о книге Чувашского книжного издательства". Конкурса хутшăнма килĕшнĕ кĕнеке пирки 1-5 страницăллă сочинени çырмалла.
- "Лучший рисунок на тему "Интересный эпизод из книги". Ỹкерчĕк сюжетпа килĕшсе тăмалла, кĕнекерен ỹкерсе илме юрамасть.
- "Лучшая книга детскими руками". Кунта алăпа çырнă сăвăсен, калавсен, заметкăсен, очерксен изданийĕсене йышăнаççĕ. Кĕнеке илемлетнĕ хуплашкаллă пулмалла.
Ĕçсене 2016 çулхи октябрĕн 1-мĕшĕччен йышăнаççĕ. Адресĕ: 428019, Шупашкар хули, Иван Яковлев проспекчĕ, 13-мĕш çурт, Чăваш кĕнеке издательстви, 820-мĕш пỹлĕм.
Источник: "Каçал Ен"