12 февраля 2016 г.
Республикăра пуçласа 2012 çулта ĕçлеме пуçланă "Земский доктор" программа тухăçлă пурнăçланать. Тăватă çул хушшинче асăннă программăпа килĕшỹллĕн 278 тухтăр яллă вырăнта ĕçлеме килĕшнĕ, вĕсенчен 39-шĕ - 2015 çулта. Районсемпе тишкерес пулсассăн тухтăрсем ытларах Канаш, Патăрьел, Муркаш, Шупашкар районĕсенче ĕçе кỹлĕннĕ. Çавна май пирĕн района та çамрăк тухтăрсем чылайăн килчĕç. Кăçал вара республикăра асăннă программăна 60 специалиста явăçтарма палăртнă.
"Земский доктор" программăна пĕлтĕр 45 çула çитмен тухтăрсем хутшăнма пултарнă пулсассăн, кăçал вара 50 çула çитменнисем тĕллевлĕ программăпа усă курма пултараççĕ. Специалистсем 1 млн тенкĕпе çурт-йĕр туянма, пурнăç условийĕсене лайăхлатма е тата ытти тĕллевпе усă курма пултараççĕ.
Источник: "Каçал Ен"