09 февраля 2016 г.
Нумаях пулмасть Шупашкарта яшсемпе хĕрсем хушшинче ирĕклĕ майпа кĕрешекенсен республикăри ăмăртăвĕ иртрĕ.
Район чысне Г.Н.Петухов, В.Х.Денисов, И.Р.Минсафинов тренерсем хатĕрлекен ачасем хỹтĕлерĕç. Кашни кĕрешỹ питĕ çивĕч иртрĕ пулин те, пирĕн район спортсменĕсем малти вырăнсене тухма пултарчĕç. 60 килограмлă виçере Людмила Суюкова (Асанкасси) пĕрремĕш вырăна çĕнсе илчĕ, республика чемпионĕ ята тивĕçрĕ. Снежана Школьникова иккĕмĕш вырăна алăран вĕçертмерĕ.
Анат Тимĕрчкасси каччи Дмитрий Андреев 54 килограмлисем хушшинче иккĕмĕш вырăна тивĕçрĕ, Карина Степанова виççĕмĕш вырăна тухрĕ. Ранил Акшов, Артем Калашников, Александр Яковлев хăйсен виçисенче 4-5-мĕш вырăнсене йышăнма пултарнă.
Тренерсемпе спортсменсем маттур пулнăран çитĕнỹсем чăннипех те курăмлă.
В.ГАВРИЛОВ.
Источник: "Каçал Ен"