05 февраля 2016 г.
Ял хуçалăх çыравĕ ячĕпе сăн ỹкерчĕксен ятарлă конкурсне йĕркеленĕ. Çавна май пĕлтĕрхи июлĕн 1-мĕшĕнчен пуçласа Раççейре пурăнакансем "Моя Россия" конкурса 300-е яхăн ĕç тăратнă. Конкурса Чăваш Ен çыннисем те хастар хутшăнни паллă. Сăн ỹкерчĕксемпе ВСХП-2016 пресс-центрăн сайтĕнчи "Конкурсы" уйрăмра паллашма пулать.
Конкурса хутшăнма халиччен вăхăт тупайманнисем апрелĕн 30-мĕшĕччен сăн ỹкерчĕксене foto@vshp2016.ru адреспа ярса пама пултараççĕ. Пирĕн район çыннисем те унта хастар хутшăнасса шанатпăр. Çĕр ĕçченĕн, ял хуçалăх предприятийĕсен ĕç-хĕлне çутатакан сăнсене ярса памалла.
Чи лайăх ĕçе палăртма Пĕтĕм Раççейри Ял хуçалăх çыравĕн пресс-центрĕн сайтĕнче 2016 çулхи майăн 1-31-мĕшĕсенче сасăлав иртет. Эсир те кăмăла каякан ỹкерчĕкшĕн сасăлама пултаратăр. Конкурса июлĕн 1-мĕшĕнче пĕтĕмлетеççĕ.
Н.АЛЕКСАНДРОВА.
Источник: "Каçал Ен"