02 февраля 2016 г.
2016 çула Чăваш Енре Ĕç çыннин çулталăкĕ тесе йышăннă. Çавăнпа та çамрăксене инженери специальноçĕсемпе, профессийĕсемпе кăсăклантарас, студентсене илнĕ пĕлỹпе усă курнине кăтартма вĕрентес, вĕренекенсен пултарулăхне уçас тĕллевпе республикăри профессионаллă вĕренỹ паракан организацисен ассоциацийĕ, ЧР Вĕренỹпе çамрăксен политикин министерствипе пĕрле, Ĕç çыннин çулталăкне тĕпе хурса видеороликсен конкурсне пуçарнă.
Конкурса вĕренỹ учрежденийĕсенче ăс пухакансем хутшăнма пултараççĕ.
Видеороликсене ВКонтакте сайтри "Республиканский конкурс видеороликов 2016" (http:vk.com/club108293423) ушкăнра февралĕн 15-мĕшĕччен вырнаçтараççĕ. Конкурса хутшăнассипе çак адреспа тĕплĕнрех паллашма пулать: http://vk.com/club108293423, http://assorg.ru/.
Источник: "Каçал Ен"