29 января 2016 г.
Гражданла общество аталанăвĕн фончĕ губернаторсен 2015 çулхи эффективлăхĕн рейтингне çирĕплетнĕ. Чăваш Ен Пуçлăхĕ Михаил Игнатьев - тухăçлă ĕçлекенсен йышĕнче.
Вăл рейтингра çỹлерех вырăна çĕкленнĕ, пĕтĕмпе 64 балл пухса малтанхи рейтинг кăтартăвне 11 пункт ỹстернĕ. Раççей Федерацийĕн Атăлçи федераци округĕнче вара Чăваш Республикин Пуçлăхĕ Михаил Игнатьев 6-мĕш вырăнта. Экспертсен тĕпчевĕсен шухăшĕпе Михаил Игнатьев хăйĕн позицине лайăхлатни регион промышленноçне инвестицисем явăçтарнипе, импорт таварĕсене улăштарас ĕçе çỹллĕ шайра пурнăçласа пынипе, çĕнĕ промышленноç предприятийĕсем хута кайнипе çыхăннă. Çавăн пекех кунта Правительство тĕрĕслевĕ çирĕп пулнине те, социаллă пĕлтерĕшлĕ таварсен хакĕсене асăрхаса тăрассине йĕркелени те витĕм кỹнĕ. Экспертсем çавăн пекех регионсен ертỹçисен ĕç тухăçлăхне халăх мĕнлерех хакланине те шута илнĕ.
Михаил Игнатьев умĕн рейтингра - Иваново тата Мурманск облаçĕсен губернаторĕсем П.Коньков тата М.Ковтун (13 пункт), Камчатка ертỹçи В.Илюхин (12 пункт ỹснĕ).
Источник: "Каçал Ен"