22 января 2016 г.
Январĕн 19-мĕшĕнче районти "Çĕр тата çынсем" халăх музейĕнче Çĕнĕ çул уявĕччен йĕркеленĕ "Зимняя фантазия" конкурса пĕтĕмлетрĕмĕр.
Конкурса районти 100 ытла ача хутшăнчĕ. Вĕсен хушшинче ача садне çỹрекенсем те, вĕренекенсем те чылай. Кашнин ĕçĕ хăйне евĕрлĕ, илемлĕ. Çĕнтерỹçĕсене палăртма та çăмăл пулмарĕ. Конкурса хутшăннă пур ачана та Хисеп грамотисемпе тата сертификатсемпе чысларăмăр.
Çав кунах районти паллă ăстаçă, гипсран тĕрлĕ япала ăсталама маттур Павел Иванович Юманов халăх музейĕнче пухăннисем валли мастер-класс ирттерчĕ. Вăл тĕрлĕ япала хатĕрленине ачасем тĕлĕнсе сăнарĕç, ĕçе хăнăхрĕç. Павел Иванович кашнинех хăй хатĕрленĕ сувенирпа хавхалантарчĕ. Çакă ачасемшĕн пысăк парне пулчĕ.
А.ПОЛЯКОВА.
Источник: "Каçал Ен"