15 января 2016 г.
Пирĕн республикăри судсен пуçлăхĕсене çирĕплетнĕ. "Федераци судйисене çирĕплетесси çинчен" ятлă хушăва РФ Президенчĕ кăларать. Черетлĕ хушăва Владимир Путин кăçалхи январĕн 2-мĕшĕнче алă пусса çирĕплетнĕ.
Президентăн кăçалхи 3-мĕш номерлĕ хушăвĕнче çĕршывăн тĕрлĕ регионĕнче федераци судйисене çирĕплетесси пирки каланă. Хушу Чăваш Енри Елчĕк тата Улатăр районĕсен тỹрисене те пырса тивнĕ.
Раççей Президенчĕн хушăвĕпе Елчĕк район сучĕн ертỹçи пулма Александр Викторова шаннă, Улатăр район судне ертсе пыма Надежда Назаровăна çирĕплетнĕ.
Источник: "Каçал Ен"