23 марта 2013 г.
Ильназ Гайзатуллин, Кайнлăк ял каччи, çар тивĕçне тÿрĕ кăмăлпа пурнăçлать. Ун çинчен нумаях пулмасть амăшĕпе ашшĕ — Рамзия Рафикатовнăпа Ильгам Минзакиевич — патне янă Тав çырăвĕ те çирĕплетет.
Ростов облаçĕнчи Морозовск хулинчи 55796 №-лĕ çар чаçĕнчен янă çырура çавăн пек çырнă: «Чаç командованийĕ лайăх салтак ÿстерсе çитĕнтернĕшĕн сире пĕтĕм чун-чĕререн тав тăвать. Ывăлăр, Ильназ Ильгамович Гайзатуллин, хăйĕн çар тивĕçне чыслăн пурнăçлать. Вăл — çирĕп дисциплинăллă салтак, çавăнпа та ĕнтĕ коллективра пысăк хисепре».
Тăван кĕтесрен аякра салтак тивĕçне пурнăçлакан, хăйĕн ятне çÿлте тытакан Ильназ Гайзатуллина службăра малашне те çитĕнÿсем тума ырлăх-сывлăх сунатпăр.
Источник: "Каçал Ен"