30 декабря 2015 г.
"Çĕр тата çынсем" халăх музейĕнче Çĕнĕ çул, Раштав уявĕсене халалласа "Зимняя фантазия" выставка-конкурс иртрĕ. Çак кунсенче конкурс çĕнтерỹçисене палăртрĕç. Вĕренекенсем, ача садне çỹрекенсем темĕн тĕрлĕ япала та хатĕрленĕ.
Илемлĕ ỹкерчĕксенчен Никита Козловăн, Ангелина Артемьеван, Настя Давыдован ĕçĕсем - чи лайăххисем. "Декоративлă пултарулăх" номинацире Тимофей Федоров тата Диана Громова 1-мĕш вырăнсене йышăнчĕç. 11-14 çулхисем хушшинче Татьяна Сорокинан "Барыня" ĕçĕ пĕрремĕш вырăна тухрĕ. Альтернативлă чăрăш хатĕрлессипе вара 7-10 çулсенчисем хушшинче Настя Галзанован, Ксения Плешкован, 11-14-рисем хушшинче Алия Зарипован, 15-18-тисем хушшинче Ангелина Абдюшеван чăрăшĕсем 1-мĕш вырăна йышăнчĕç.
Çавăнпа пĕрлех оригиналлă композицишĕн Тăманлă Выçлинчи Киргизовсен çемйине палăртрĕç. Чи лайăх ĕçсене Чăваш патшалăх ỹнер музейĕ ирттерекен конкурс валли суйласа илнĕ. Конкурса хутшăнакансене сертификатпа чыслатпăр. Çĕнтерỹçĕсене январĕн 19-мĕшĕнче "Çĕр тата çынсем" музейре 11 сехетре кĕтетпĕр.
А.ПОЛЯКОВА.
Источник: "Каçал Ен"