30 декабря 2015 г.
Кану вăхăтĕнче районта пурăнакансемпе хăнасем, спорта кăмăллакансем тĕрлĕ мероприятисене хутшăнма пултараççĕ. Акă, январĕн 3-мĕшĕнче район администрацийĕн пуçлăхĕн А.Самаркинăн кубокне çĕнсе илессишĕн волейбол ăмăртăвĕ иртет. Январĕн 4-мĕшĕнче Е.Петрейкинана халалланă волейбол турнирне хутшăнма май пур. Январĕн 5-мĕшĕнче вара футболистсем мини-футбол выляса Раштав кубокĕшĕн тупăшĕç. Январĕн 6-мĕшĕнче арçынсем хушшинче волейбол ăмăртăвĕ иртĕ. Январĕн 8-мĕшĕнче хоккеистсем ЧР Патшалăх Канашĕн социаллă политикăпа наци ыйтăвĕсен комитечĕн председателĕн П.Красновăн кубокне çĕнсе илессишĕн площадкăна тухаççĕ. Ветерансен йăлана кĕнĕ залри футбол турнирĕ январĕн 9-мĕшĕнче иртет. Кашни кунах конькипе тата йĕлтĕрпе ярăнса киленме пулать.
Çĕнĕ çулхи канмалли кунсенче иртекен мероприятисен, спорт ăмăртăвĕсен тулли планĕпе район тата "Каçал ен" хаçат сайчĕсенче паллашма май пур.
Источник: "Каçал Ен"