26 декабря 2015 г.
Кăçалхи сентябрь - декабрь уйăхĕсенче районта Пĕтĕм Раççейри "За здоровье и безопасность наших детей" акцин регионти тапхăрĕ иртрĕ. Ăна çамрăксене сывă пурнăç йĕркине хăнăхтарас, спортпа туслаштарас, сиенлĕ йăларан хỹтĕлес тĕллевпе йĕркелеççĕ. Акци вăхăтĕнче районта та нумай мероприяти иртрĕ. Рейд вăхăтĕнче "Молодая гвардия" членĕсем район çыннисене, çамрăксене тĕрлĕ буклетсем валеçрĕç. Вăтам тата тĕп шкулсенче пĕлỹ пухакан вĕренекенсемпе тĕл пулса, усал йăласен сиенĕ пирки калаçрăмăр. Наркотикпа туслашни, эрех ĕçни, пирус, кальян туртни сывлăха пысăк сиен кỹрет. Унпа пĕрлех усал йăлапа туслисем укçа-тенкĕ тупас тесе преступлени çулĕ çине тăраççĕ. Вăрлаççĕ, хĕнеççĕ, тусĕсемпе харкашаççĕ.
Çавăнпа та ачасене мĕн пĕчĕкрен сывă пурнăç йĕркине хăнăхтарар, тĕрлĕ вăйăсене явăçтарар.
Р.ЖУКОВА,
çул çитмен çамрăксемпе ĕçлекен инспектор.
Источник: "Каçал Ен"