26 декабря 2015 г.
Чăваш Республикин Тĕп суйлав комиссийĕн 2015 çулхи декабрĕн 10-мĕшĕнчи йышăнăвĕпе Комсомольски территориллĕ суйлав комиссине (ТСК) туса хунă. Унăн полномочийĕсем 5 çула тăсăлĕç. Комисси йышне Радий Басникова, Елена Макаровăна, Людмила Макаровăна, Раиса Пермяковăна, Новелла Розовăна, Екатерина Скворцовăна, Ольга Соколовăна, Эльвира Черновăпа Людмила Читнаевăна кĕртме йышăннă. ЧР Тĕп суйлав комиссийĕн тепĕр постановленийĕпе ТСК председателĕ пулма Новелла Николаевна Розовăна çирĕплетнĕ.
Декабрĕн 24-мĕшĕнче Комсомольски территориллĕ суйлав комиссийĕн пĕрремĕш йĕркелỹ ларăвĕ пулнă. Унта вăрттăн сасăлавпа ТСК председателĕн заместительне Л.А.Читнаевăна, комисси секретарьне О.Р.Соколовăна суйланă.
Источник: "Каçал Ен"