23 декабря 2015 г.
Йĕркене пăснăшăн административлă штрафа тỹлеттерме йышăну кăларчĕç пулсассăн ăна 60 кун иртиччен татмалла. Енчен те палăртнă вăхăтра штрафа тỹлемесессĕн унăн сумми тата икĕ хут ỹсет. Сăмахран, 500 тенкĕ тỹлемелле пулсассăн, тата 1000 тенкĕ штраф хушăнать. Пĕтĕмĕшле - 1500 тенкĕ. Çавăн пекех гражданина 15 куна арестлеме тата 50 сехет таран ĕçлеттерме йышăну кăлараççĕ. Вăхăтра тỹлемен штрафсем пулсассăн, ют çĕршыва тухса çỹреме те чараççĕ.
Кăçал районта пурăнакансене 463350 тенкĕлĕх штрафланă, 464350 тенкĕ шыраса илнĕ. 2015 çулхи январь - ноябрь уйăхĕсенче вăхăтра штраф тỹлеменнисем тĕлĕшпе 66 протокол çырнă, 22 çынна административлă йĕркепе явап тыттарнă, 18-шне ĕçлеттерме йышăннă, 25800 тенкĕлĕх штрафланă.
О.КОРОТИНА.
Источник: "Каçал Ен"