14 октября 2015 г.
Ял хуçалăхĕнче çирĕп кăмăллисем, ĕçченнисем çеç тăрăшма пултараççĕ. Ир-ирех тăрса фермăна утмалла, уй-хирте ĕçе кỹлĕнмелле. Унта кахалсем валли вырăн çук. Дояркăра тăрăшакансен те ĕçĕ çăмăл мар. Ирĕн-каçăн вĕсем ферма çулне такăрлатаççĕ.
Акă, Елена Аркадьевна Руссакова та 1997 çултанпа "Искра" колхозăн сĕт-çу ферминче тăрăшать. Фермăна çитсе палăртнă ĕçе яланах вăхăтра пурнăçлать. Пысăк опытлăскер пĕрле ĕçлекенсене пулăшма та вăхăт тупать. Коллективра пурте пĕрле килĕштерсе ĕçлеççĕ.
Дояркăсем пĕлтĕр кашни ĕнерен вăтамран 5914 килограмм сĕт суса илнĕ. Кăçалхи сăвăм та япăх мар. Ахальтен мар хуçалăхри ĕçченсене кашни çулах Хисеп грамотисем парса чыслаççĕ.
А.АНТОНОВА.
Источник: "Каçал Ен"