03 октября 2015 г.
Октябрĕн 1-10-мĕшĕсенче районта ваттисен кунне халалласа акци йĕркелеме йышăннă. Çак вăхăтра ватăсемпе тĕл пулусем, уяв каçĕсем, концертсем иртмелле.
Акци старт илнĕ ĕнтĕ. Акă, октябрĕн 2-мĕшĕнче "Искра" колхоз ветеранĕсем тĕл пулăва пуçтарăннă. Вĕсене район администрацийĕн пуçлăхĕ Алексей Самаркин, "Искра" колхоз председателĕ Александр Зайцев саламланă. Хырай Ĕнел вăтам шкулĕн вĕренекенĕсем ватăсене юрă-ташăпа савăнтарнă.
Источник: "Каçал Ен"