26 сентября 2015 г.
Чăвашстат, ЧР Ял хуçалăх министерствипе "Хыпар" издательство çурчĕ 2016 çулта иртекен Пĕтĕм Раççейри ял хуçалăх перепиçĕ пысăк пĕлтерĕшлĕ пулнине тата ял хуçалăхĕнчи ĕçсемпе çамрăксене кăсăклантарас тĕллевпе "Савнă ялăм, тăван ял" ачасен ỹкерчĕкĕсен конкурсне пуçарнă.
Республикăри ачасем ял хуçалăх перепиçне тата хальхи ял пурнăçне еплерех курнине сăнласа "Пирĕн пата çыруçă килчĕ", "Хамăн яла юрататăп", "Манăн тухăç" темăсемпе ỹкерчĕксем пама пултараççĕ.
Конкурс 2015 çулхи сентябрĕн 20-мĕшĕнчен 2016 çулхи сентябрĕн 20-мĕшĕччен иртĕ. Çĕнтерỹçĕсене 2016 çулхи ноябрь уйăхĕнче дипломсемпе тата хаклă парнесемпе чыслĕç.
Хатĕр материалсене çак адреспа ярса памалла: Шупашкар хули, Хусанкай урамĕ, 16-мĕш çурт, "Чăвашстат".
Источник: "Каçал Ен"