13 марта 2013 г.
Иртнĕ кунсенче районти тĕп библиотекăра куç курманнисен районти обществин черетлĕ ларăвĕ иртрĕ. Чи малтанах пухăннисене организаци ертÿçи Г.Михайлов кулленхи ĕç-хĕлпе паллаштарчĕ.
Ун хыççăн уяв программине йĕркелекенсем — В.Боровковăпа Р.Сереброва — Пĕтĕм тĕнчери хĕрарăмсен кунне ирттересси хăçан пуçланса кайнине каласа пачĕç. А.Хораськинапа В.Константинова тĕрлĕ конкурссем ирттерчĕç.
А.Владимировăпа Л.Карзакова пухăннисен чĕрисене хитре юрăсемпе тыткăнларĕç. Ш.Хамидуллинпа 92 çулхи М.Гайнутдинов, Ф.Андреев шăрантарнă юрă та уява пухăннисен кăмăл-туйăмне çĕклерĕ.
Мероприятие ирттерме пулăшнăшăн С.В.Абанинпа («Колибри» магазин) Г.Б.Фасхутдинова («Казан» магазин) куç курманнисен районти обществин членĕсем чĕререн тав тăваççĕ.
Источник: "Каçал Ен"