13 марта 2013 г.
Мартăн 16-мĕшĕнче, шăмат кун, хĕллехи спорт сезонĕ хупăннă ятпа «Каçал ен» хаçат призĕсене çĕнсе илессишĕн йĕлтĕрçĕсен йăлана кĕнĕ ăмăртăвĕ иртет. Вăл Комсомольскинчи вăрман уçланкинче 10 сехетре пуçланать. Кăмăл тăвакансем унта пурте хутшăнма пултараççĕ.
Пĕтĕмĕшле пĕлÿ паракан тĕп шкулсен командинче 3 хĕр ача, 3 арçын ача пулмалла. Вăтам шкулсен — 4-шар арçын ачапа хĕр ача. Предприятисемпе организацисен, ял поселенийĕсен командисенче 2 ар çынпа 2 хĕрарăм старта тухĕç. Ар çынсемпе каччăсем 2-шер, хĕрсемпе хĕрарăмсем пĕрер километрлă дистанцие чупĕç. Заявкăсене (вĕсене команда ертÿçи, врач алă пусса çирĕплетмелле) ăмăртăва килсе çитсен памалла.
Пурне те йĕлтĕр йĕрĕ çине тăма йыхравлатпăр. Иртнĕ çулсенчи çĕнтерÿçĕсен кубоксене илсе килмелле.
Источник: "Каçал Ен"