11 сентября 2015 г.
Уй-хирте хĕрỹ ĕç шавĕ чарăнмасть. Пĕрисем вырмана пĕтерес тесе тăрăшаççĕ, теприсем çĕр улми кăларма тухнă, виççĕмĕшĕсем кĕрхи культурăсене вăхăтра акасшăн тата çĕртме тăваççĕ. Районти ял хуçалăх производство кооперативĕсемпе фермер хуçалăхĕсен, колхозсен çапса тĕшĕлемелли лаптăк пурĕ 15132 гектар пулнă. Паян вара вырмана пĕтерме палăртнă. "Слава", "Заря" ЯХПК-сенче, "Искра" колхозра, "Родина" фермер хуçалăхĕнче юлашки лаптăксене çапса тĕшĕлесе пуçтарса кĕртеççĕ.
Çĕр улми кăларма тытăннă. 5 хуçалăхра сентябрĕн 10-мĕшĕ тĕлне 445 гектар çинчен 12465 тонна "иккĕмĕш çăкăра" пуçтарса кĕртнĕ. Ыттисем те çак ĕçе паян-ыран пуçăнасчĕ, ĕçе вăхăтра вĕçлесчĕ. Çавăн пекех кĕрхи культурăсене 3975 гектар акнă, 6545 гектар çĕртме тунă.
Ш.ЗЕЙНУТДИНОВ.
Источник: "Каçал Ен"