11 сентября 2015 г.
Район администрацийĕн пуçлăхĕ Алексей САМАРКИН:
- 2016 çула Михаил Игнатьев Ĕç çыннин çулталăкĕ тесе пĕлтернине чĕререн ырлатăп. Ун тĕп тĕшши - ĕç çыннине хисеплесси, обществăра ĕç çынни çине пăхассине улăштарасси, рабочи профессийĕсен сумлăхне ỹстересси.
Ĕмĕртенех ĕç пурнăç тыткăчи пулнă, çавăн пекех юлать те. Çителĕклĕ пурăнас тесен этемĕн яланах ĕçлемелле. Шел пулин те, паян ĕç хаклăхĕ чакнине палăртмалла. Нумайăшĕ ытлашши ăс, вăй хумасăрах пысăк шалу илесшĕн. Ĕç çыннин çулталăкĕн тĕп акцентне шăп рабочи профессийĕсен сумлăхне çĕклесси çине тумалла тесе шутлатăп.
2016 çулта республикăра социаллă ыйтусене татса парасси лайăхланасса, пирĕн халăх, уйрăмах ялта пурăнакансем, тата активлăрах пуласса питĕ шанатăп.
Источник: "Каçал Ен"