07 марта 2013 г.
Мартăн 1-мĕшĕнчен пуçласа 3-мĕшĕччен район территорийĕнче пирĕн сотрудниксем «Ачасене автомашинăпа турттар-малли хатĕр» операци ирттерчĕç. Çав тапхăрта çăмăл машинăсем çинче 12 çул тултарман ачасене автокреслăсăр илсе çÿренĕ тĕслĕхсем тупса палăртрăмăр. Акă, Административлă кодексăн 12.23 статйин 1-мĕш пайĕпе килĕшÿллĕн 10 çын çине протокол çыртăмăр, штрафласа явап тыттартăмăр.
Çавăн пекех операци вăхăтĕнче руль умне ÿсĕр ларнă 2 водитель çине те протокол çырнă, материалĕсене суда ярса панă.
Эпир тăтăшах автомашинăсем çине креслăсем вырнаçтармалли пирки асăрхаттаратпăр пулсан та, йĕркене пăхăнманнисем пур-ха.
Çакна асра тытмалла: авари вăхăтĕнче автокреслăна лартса шанчăклă çыхнă ача вилмеллех суранланас хăрушлăх 2,5—3 хут чакать. Хăрушсăрлăх пиçиххийĕ 12 çултан кĕçĕнрех ачасене çул çинче инкекре пулăшмасть, сиен кÿме пултарать.
Ача креслине вырнаçтармалли чи хăрушсăр вырăн — автомобилĕн хыçалти ларкăчĕ çинче варринче. Чи хăрушши — пассажирăн малти ларкăчĕ.
Источник: "Каçал Ен"