29 июля 2015 г.
Раççей Федерацийĕнче "Работа в России" портала (trudvsem.ru) хута янă. "Работа в России" сайт халăха ĕç шырама, ĕç паракансене çĕнĕ сотрудниксем тупма пулăшĕ. Асăннă портал тỹлевсĕр пулнипе ыттисенчен уйрăлса тăрать.
Сайтра халăха ĕçпе тивĕçтерекен центрсен, ĕç паракансен тата ĕç шырама пулăшакан ытти порталсен вакансийĕсем пулĕç. Ытти сайтсем çинчи пекех кунта та ваканси лартас умĕн регистраци витĕр тухмалла. Тепĕр регионта ĕç тупсан ĕç параканпа Skype урлă çыхăнма май пур. Ĕç шыранисĕр тата резюме вырнаçтарнисĕр пуçне порталта ку е тепĕр регион илĕртỹлĕхĕпе, хваттер хакĕпе, ĕç укçипе паллашма пулать.
Порталтах Раççейри халăха ĕçпе тивĕçтерекен центрсен адресĕсене тата вĕсем пирки тĕп информаци тупма май пур.
Источник: "Каçал Ен"