18 июля 2015 г.
Раççей общество пуçарулăхĕн сайтĕнче сасăлав иртет. Мĕн пирки? Хăлхине наушник чикнĕ çуран çỹрекен çынсене, велосипедистсене сахалтан та 3 пин тенкĕлĕх штрафлаттарасшăн. Ку машинăсем çỹрекен вырăнта тата чукун çул çывăхĕнче утакансене пырса тивет.
Çакна шухăшласа кăларнисем каланă тăрăх, ку çул çинче çуран çỹрекенсен вилеслĕхне чакарать. Наушникпа пыракансене пула авариллĕ лару-тăру сиксе тухма та пултарать-мĕн.
Текстра çырнă тăрăх, наушникпе утакан çын тимсĕрлĕхне çухатать, çул çинче мĕн пулса иртнине курмасть те, илтмест те. Уйрăмах наушник автомашина пиклеттернине илтме чăрмантарать-мĕн, çавна май пăтăрмах сиксе тухма пултарать.
Хальлĕхе çак пуçарăва 400 яхăн çын ырланă. Ăна федераци шайĕнче пăхса тухчăр тесен 100 пин сасă кирлĕ.
Источник: "Каçал Ен"