15 июля 2015 г.
Пĕрлехи суйлав кунĕнче, сентябрĕн 13-мĕшĕнче, Чăваш Республикин Пуçлăхне тата вырăнти хăйтытăмлăх органĕсен депутачĕсене суйлăпăр.
Республика территорийĕнче муниципаллă 317 пĕрлĕхре вырăнти хăйтытăмлăх органĕсен депутачĕсене 3746 мандат памалла. Вĕсенчен:
3194 мандата - ял тата хула поселенийĕсен депутачĕсене;
552 мандата - муниципаллă районсен тата хула округĕсен депутачĕсене.
Пирĕн районпа илес пулсан вара çакăн пек ỹкерчĕк. Район депутачĕсен Пухăвне 17 депутат, 12 ял поселенийĕн депутачĕ пулма 129 çынна суйламалла. ТСК председателĕ Новелла Розова каланă тăрăх, июлĕн 13-мĕшĕ тĕлне тăваттăн район Пухăвĕн депутачĕ пулма кăмăл пуррине пĕлтерсе суйлав комиссине документсем панă. Тăваттăшĕ те хăйсен кандидатурисене хăйсем сĕннĕ.
Аса илтеретпĕр, халăх тарçи пулас текенсенчен августăн 3-мĕшĕччен заявлени йышăнаççĕ, регистрацилес ĕç те çав кун вĕçленет.
Л.ШУРЯШКИНА.
Источник: "Каçал Ен"