04 июля 2015 г.
Сентябрĕн 13-мĕшĕччен вăхăт нумай юлмарĕ. Чăваш Еншĕн пĕлтерĕшлĕ кун пулĕ вăл. Ун чухне халăх ЧР Пуçлăхне суйлĕ. Халĕ суйлава камсем хутшăнасси паллă ĕнтĕ.
Пуçлăх пуканĕшĕн 10 кандидат кĕрешме кăмăл тунă, çакăн çинчен пĕлтерсе республикăн Тĕп суйлав комиссине документсем тăратнă. Вĕсем - 10 политика партийĕнчен.
Чăваш Ен Пуçлăхĕ пулассишĕн çаксем кĕрешĕç: "Пĕрлĕхлĕ Раççейрен" - Пуçлăх тивĕçне вăхăтлăх пурнăçлакан Михаил Игнатьев, КПРФран - Валентин Шурчанов, "Тĕрĕслĕхлĕ Раççейрен" - Олег Николаев, "Раççейри пенсионерсен партийĕнчен" - Валерий Сапожников, "Ĕçлĕх пĕрлĕхĕнчен" - Анатолий Коршунов, "Яблоко" партирен - Владислав Аркадьев, "Симĕссисен тата социал-демократсен альянсĕ" партирен - Юрий Малов, "Граждан пуçарăвĕнчен" - Андрей Броницын, ЛДПРтан - Константин Субботин, "Раççей патриочĕсенчен" - Евгений Горбунов.
Источник: "Каçал Ен"