04 июля 2015 г.
Июнĕн 30-мĕшĕпе июлĕн 1-мĕшĕнче Муркаш районĕнче Чăваш Республикин муниципаллă пĕрлĕх пуçлăхĕсен кунне паллă тунă. Çак уяв кăçалхипе 8-мĕш хут иртнĕ. Пухăннисене ЧР Пуçлăхĕн тивĕçĕсене вăхăтлăх пурнăçлакан Михаил Игнатьев, ЧР Пуçлăхĕн администраци ертỹçи Юрий Васильев, Чăваш Енти муниципаллă пĕрлешỹсен Канашĕн директорĕ Станислав Николаев, Шупашкар хула пуçлăхĕ Леонид Черкесов, ЧР Патшалăх Канашĕн председателĕн çумĕ Николай Малов ăшшăн саламланă, ăнăçу суннă.
- Республикăри кашни районăн хăйĕн историйĕ, йăли-йĕрки, ĕç-хĕлĕ. Эсир вĕсене пĕлсе, асра тытса çамрăксене вĕрентсе пыратăр. Эпир пурте пĕрле тĕп тĕллеве - халăх пурнăçне лайăхлатассине пурнăçлассишĕн тăрăшатпăр, - палăртнă вăл. Михаил Игнатьев ĕçре маттуррисене Хисеп, Тав хучĕсемпе чысланă.
Чăваш Енри муниципалитетсен 21 команди, çав йышра пирĕн район команди, тĕрлĕ ăмăртусенче вăй виçнĕ. "Пăхаттир - пуçлăх" тата "Çул, çава, ирхи сывлăмпа" конкурссенче ертỹçĕсем хăйсен вăйĕпе, çаврăнăçулăхĕпе паллаштарнă. Командăсем футболла тата волейболла выляса та тупăшнă.
Источник: "Каçал Ен"