23 июня 2015 г.
"Каçал ен" хаçатăн иртнĕ номерĕнче сентябрĕн 13-мĕшĕнче пĕрлехи суйлав кунĕ пуласса пĕлтернĕччĕ. Ун чухне Чăваш Республикин Пуçлăхне, район депутачĕсен Пухăвĕн депутачĕсене тата ял поселенийĕсен депутачĕсене суйлăпăр. Суйлав кунне палăртакан йышăну пичетленнĕ хыççăн кандидатсене тăратмалли тапхăр пуçланчĕ. Вырăнти хăй тытăмлăх органĕсене политика партийĕсем, вĕсен регионсенчи уйрăмĕсем, Пĕтĕм Раççейри обществăлла организацисем тата вĕсен вырăнти уйрăмĕсем кандидатсем сĕнме пултараççĕ, списока пурĕ 478 организаци кĕртнĕ. Тулли списокпа эсир Комсомольски район администрацийĕн сайтĕнче "13 сентября 2015 года - Единый день голосования" баннерта паллашма пултаратăр. Депутат пулас текен çын хăйĕн кандидатурине хăй те сĕнеет.
Районта пурăнакансене Комсомольскинчи территориллĕ суйлав комиссийĕн ĕç графикĕпе паллашма сĕнетпĕр. Суйлав комиссийĕ кунсерен 9 сехетрен пуçласа 18 сехетчен ĕçлет, шăматкун - 9-14 сехетсенче. Апат вăхăчĕ - 12 сехетрен 13 сехетчен. Вырсарникун - канмалли кун.
Н.РОЗОВА,
ТСК председателĕ.
Источник: "Каçал Ен"