03 июня 2015 г.
ГИБДД уйрăмĕ пĕлтернĕ тăрăх, республикăри кашни виççĕмĕш автоаваринче ачасем сусăрланаççĕ. 2015 çулхи 4 уйăхра республикăри 49 автоаваринче 16 çула çитмен 58 ача сусăрланнă тата 3-шĕ вилнĕ.
Вĕренỹ çулĕ вĕçленсе, çуллахи каникулсем пуçланнă май майăн 25-мĕшĕнчен июнĕн 11-мĕшĕччен Чăваш Енре "Асăрăханăр - ачасем" ятарлă акци иртет. Акцие ачасене илсе çỹрекен автотранспорта тата водительсем çул-йĕр правилисене çирĕп пăхăннине тĕрĕслес тĕллевпе йĕркелеççĕ. Çак вăхăтра ача-пăча учрежденийĕсен çывă-хĕнчи çулсене тата унта вырнаçтарнă паллăсене тĕрĕслеççĕ. Çавна май водительсен те, ачасен те çул çинче тимлĕ пулмалла, çул-йĕр правилисене пăхăнмалла.
Н.РАЙКОВ, ГИБДД начальникĕ.
Источник: "Каçал Ен"