30 апреля 2015 г.
Чăваш Республикинче пурăнакансене Пĕрлехи патшалăх порталĕ нумай пулăшупа тивĕçтерет.
Вĕсемпе тĕллевлĕн усă курас тесессĕн пĕрлехи порталта регистрациленмелле те кирлĕ ведомствăна суйласа илмелле. Тĕслĕхрен, ГИБДД подразделенийĕсем кỹрекен пулăшусемпе те унта çăмăллăнах усă курма пулать. Автомашинăсене тата прицепсене регистрациленĕ май чылай чухне черетре тăма тивет. Çавăнпа Пĕрлехи патшалăх порталне кĕрсе черет йышăнмалла, майлă вăхăта суйласа илмелле те палăртнă вăхăтра вырăна çитмелле çеç. Çавăн пекех водитель удостоверенийĕсене илес текенсем экзамен тытма та ятарлă вăхăта çырăнма пултараççĕ. Вырăна çитетĕн те никама та кĕтместĕн. Административлă йĕркене пăсни çинчен калакан штрафсем пирки асăннă порталтах пĕлме май пур. Унсăр пуçне Чăваш Республикин ШĔМ УГИБДД сайчĕ урлă та "Патшалăх пулăшăвĕсем" интернет-портала кĕме пулать.
Н.РАЙКОВ,
районти ГИБДД уйрăмĕн начальникĕ.
Источник: "Каçал Ен"