22 апреля 2015 г.
"Чăваш Ен мухтавĕ" проектпа килĕшỹллĕн "Пĕрлĕхлĕ Раççейĕн çамрăк гвардийĕн" районти уйрăмĕ апрелĕн 13-мĕшĕпе майăн 5-мĕшĕсенче Аслă Çĕнтерĕве халалласа "Я помню, я горжусь" кĕске сочиненисен конкурсне йĕркелет. Унта 8-11-мĕш классенче вĕренекенсем, Çамрăк гварди членĕсем хутшăнма пултараççĕ. Конкурса ачасен патриотизм туйăмне вăйлатас, Тăван çĕршыва юратма хăнăхтарас, унăн историне пĕлес, паттăрсен ячĕсене яланах асра тытас тĕллевпе йĕркелеççĕ.
Кĕске сочиненисене хатĕрленĕ чухне сăн ỹкерчĕксемпе те усă курма юрать. Хатĕр ĕçсем çинче вĕренỹ учрежденийĕн, конкурс ячĕсене, сочинени темине, ят, хушамат палăртма манмалла мар. Ĕçсене dosh.komsml@yandex.ru электрон почтăна ярса памалла тата район администрацийĕн çуртĕнче вырнаçнă 28-мĕш пỹлĕме кĕртсе памалла. Ыйтса пĕлмелли телефон: 5-24-57.
Источник: "Каçал Ен"