04 апреля 2015 г.
2015 çулхи апрелĕн 1-мĕшĕнчен çурхи призыв пуçланчĕ. Халĕ çара каякансен 2 çул контрактпа е 1 çул çарта службăра тăрассине суйлама ирĕк пур. Çар хĕсмечĕ пирки калакан федераци саккунĕн 38-мĕш статйин 3-мĕш пайне 1998 çулхи мартăн 28-мĕшĕнче улшăнусем кĕртнĕ. Вĕсемпе килĕшỹллĕн 2014 çулхи июнĕн 24-мĕшĕнчен аслă пĕлỹллĕ çамрăксем çарта пулман пулсан та контракт çырма пултараççĕ. Çак улшăну вĕсен обществăри ырлăх-пурлăхне, социаллă лару-тăрăвне лайăх еннелле улăштарĕ. Унсăр пуçне контрактпа ĕçлекен çар çыннин статусĕ призывпа килнисенчен питĕ уйрăлса тăрĕ.
Лайăх енĕсене пăхса тухар:
- эрнери ĕç вăхăтĕнчи регламент;
- кану прави - эрнери пĕр кану кунĕсĕр пуçне, талăкри дежурствăсене шута илсе нумайрах ĕçленĕшĕн хушма кану кунĕ;
- çул çинчи вăхăта шутламасăр кашни çул 30 куна тăсăлакан отпуск (ятарлă подразделенийĕсенчи çар çыннисен кану вăхăчĕ тата 15 куна тăсăлать);
- пахалăхлă, тỹлевсĕр медицина пулăшăвĕ;
- хваттерпе е общежитипе тивĕçтерме май килмесен, хваттер тара илсе пурăннăшăн уйăхра 3600 тенкĕ саплаштараççĕ;
- званирен, должноçран, мĕнле çарта, вăл ăçта вырнаçнинчен илсе 22000 - 50000 тенкĕ шалу тỹлеççĕ;
- 3 хутчен тỹлевсĕр вĕри апат çитерĕç. Контракта алă пуссан должноçа, звание пăхса 1 оклад чухлĕ укçа тỹлĕç.
Тата контракт çыракан мĕнле региона каяссине хăех суйлĕ. Профессие суйласа илме те пулăшĕç.
Контрактпа çара каяс текенсем Чăваш Республикинчи çар комиссариачĕн Елчĕк тата Комсомольски районĕсенчи пайне е контракт çыракансемпе тỹрремĕнех ĕçлекен уйрăма - Шупашкар хулинчи Пирогов урамĕнчи 10А çурта - ыйтусемпе пыма пултараççĕ.
С.ДАНИЛОВ
Источник: "Каçал Ен"