04 марта 2015 г.
ЧР Культура министерствин йышăнăвĕпе иртнĕ çулхи декабрĕн 24 - кăçалхи февралĕн 4-мĕшĕсенче республикăра 2015 çулта Литература çулталăкĕн тата К.В.Иванов çулталăкĕн эмблемисен эскизĕн конкурсĕ ĕçленĕ.
Конкурса культурăпа вĕрентỹ учрежденийĕсенчи искусство деятелĕсем, студентсемпе вĕренекенсем - 24 çын - хутшăннă.
Эскизсен шайĕ тивĕçтерменнине шута илсе комисси конкурсăн çĕнтерỹçине палăртман. Çапах та комисси асăннă çулталăксен эмблеми тĕлĕшпе Чăваш наци музейĕн дизайнерĕн А.А.Поляковăн проектне усă курма сĕннĕ. Автор ăна Чăваш халăх художникĕн Э.М. Юрьевăн эскизне тĕпе хурса хатĕрленĕ.
Источник: "Каçал Ен"