16 февраля 2013 г.
Кашни çулах сывлăх сыхлавĕн профсоюз ĕçченĕсен республикăри йĕлтĕрçĕсен ăмăртăвĕ иртет. Кăçал вăл Лапсар поселокĕнче пулнă.
Районти тĕп больницăра тăрăшакансем те унта вăйĕсене виçнĕ. Хĕрÿ тупăшура Комсомольскисем республикăра пиллĕкмĕш вырăн йышăннă. 60 çултан аслăраххисенчен «васкавлă пулăшу» уйрăмĕн водителĕ Алексей Самаркин пĕрремĕш вырăна çĕнсе илнĕ. Ăна çак ятпа саламлатпăр, малашне те çитĕнÿсем тума сунатпăр.
Сăмах май, районти сывлăх сыхлавĕн ĕçченĕсем спортăн кирек мĕнле тĕсĕнче те çĕнтерÿçĕсен шутне кĕреççĕ.
Источник: "Каçал Ен"