28 февраля 2015 г.
Февралĕн 23-мĕшĕнче Чăваш Республикинче пушарсенче 8 çын пурнăçĕ татăлнă. Статистикăна тишкернĕ тăрăх çакă паллă - пурте ỹсĕрле пирус туртнă, асăрханусăр пулнă.
Сăмахран, февралĕн 23-мĕшĕнче ирхине 3 сехет те 29 минутра Йĕпреçре çурт çуннă. Унта икĕ çын пурнăçĕ таталнă. Çак кунах Шупашкарта та арçынпа хĕрарăм çунса вилнĕ. Етĕрне районĕнчи Чебаково салинче те инкек пулнă, вут-çулăмпа кĕлленнĕ алкумĕнче виçĕ вилене тупнă. Пăрачкав районĕнче те арçыннăн пурнăçĕ пушарта татăлнă.
Эрех ĕçни, вут-çулăмпа асăрханусăр пулни инкек патне илсе çитернĕ, пурнăçа вăхăтсăр татнă. Апла тимлĕ пулар! Пушар тухнине асăрхасассăн "01", "101" е "112" номерсемпе шăнкăравласа пĕлтерĕр.
Ю.СОРОКИН.
Источник: "Каçал Ен"