21 февраля 2015 г.
Иртнĕ кунсенче Патăрьелĕнче алă вăйне виçессипе республикăри ăмăрту иртрĕ. Унта мала тухассишĕн Асанкасси, Тукай Мишер, Урмаел, Çĕнĕ Мăрат, Комсомольски пĕрремĕш тата иккĕмĕш вăтам шкулĕсенче вĕренекенсем те тупăшрĕç. Районăн пĕрлештернĕ команди Канаш районĕн командипе 4-мĕш тата 5-мĕш вырăнсене пайларĕ.
Харпăр хăйшĕн кĕрешсе 2-мĕш вырăна А.Андреева, 1-мĕш вырăна Л.Минуллина, А.Акимов йышăнса пĕрремĕш спорт разрячĕн нормативне пурнăçларĕç. А.Владимирова вара 3-мĕш вырăна тивĕç пулчĕ. Чемпионсемпе призерсене ăмăртăва хатĕрлекенсем - ДЮСШ тренерĕсем.
1-мĕш вырăна йышăннă Урмаел вăтам шкулĕн команди республикăн пĕрлештернĕ команди йышĕнче Атăлçи округĕнче мала тухассишĕн тупăшĕ.
Н.САХРОВ.
Источник: "Каçал Ен"