Публикации » Акци иртет

04 февраля 2015 г.

   Районти вĕренỹ пайĕ шкул библиотекисен фондне пуянлатас тата ачасене мĕн çамрăкран вулама хăнăхтарас, вĕсен патриотла туйăмне çирĕплетес тĕллевпе февралĕн 1-мĕшĕнчен пуçласа октябрĕн 15-мĕшĕччен "Шкула кĕнеке парнелер" ыркăмăллăх акцийĕ ирттерет. Акцие кирек кам та (студентсем, вĕрентекенсем, вĕренекенсен ашшĕ-амăшĕ, тĕрлĕ организацисем, предпринимательсем) хутшăнма пултараççĕ. Кĕнекесене районти пур шкул библиотекинче те йышăнаççĕ. Акцие октябрĕн 26-мĕшĕнче Пĕтĕм тĕнчери шкул библиотекисен кунĕнче пĕтĕмлетĕç. Чи хастар хутшăнакансене тав çырăвĕпе чыслĕç. Ыйтса пĕлмелли телефон: 5-24-57.

                                                                                                                                                                                                                                        Е.Савельева

Источник: "Каçал Ен"