24 января 2015 г.
Çак кунсенче района ырă хыпар çитрĕ: "Районти 31-мĕш пушар чаçне пушара хирĕç кĕрешмелли çĕнĕ йышши автомашинăпа тивĕçтереççĕ". Хыпарĕ чăннипех те тĕрĕс иккен, вырăна çитсе хамăр курса ĕнентĕмĕр. Гаражра 4 миллион тенкĕ ытла тăракан, 8 тонна шыв тивекен вĕр çĕнĕ "Камаз-43118" машина ларать. Автомашинăна республика бюджетĕнчен уйăрнă укçа-тенкĕпе туяннă, района валли уйăрнă.
"Паянхи куна пушар чаçĕнче вут-çулăм сỹнтермелли 4 автомашинăччĕ, 5-мĕшне, вĕр çĕнĕ КАМАЗ, парнелени вара чăннипех те савăнтарчĕ. Тавах", - терĕ пушар чаçĕн начальникĕ Сергей Алексеев. Район администрацийĕн пуçлăхĕ Михаил Афанасьев автомашина уççине пушар чаçĕн начальникне Сергей Алексеева алăран тыттарчĕ, пурне те саламларĕ, ĕçре ăнăçу сунчĕ
А.ЕФРЕМОВА.
Источник: "Каçал Ен"