14 января 2015 г.
Кăрлачăн 1-мĕшĕнчен пуçласа йывăçа пырса тивекен çĕнĕ саккун вăя кĕнĕ. Ăна кирек мĕнле транспортпа та ятарлă документ пур пулсан кăна турттарма юрать. РФ Вăрман кодексĕн 50.4 статйин 1 тата 2-мĕш пайĕсемпе килĕшỹллĕн малашне йывăç турттарма ятарлă документ кирлĕ. Ăна йывăç "хуçисене" юридици сăпачĕсем, усламçăсем çырса параççĕ.
Йĕркене пăсакансене административлă штраф тỹлеттерĕç. Должноçри çынсене - 30-50 пин тенкĕ, юридици сăпачĕсене - 500-700 пин тенкĕ. Йывăçа тата транспорта туртса илĕç. Палăртмалла: çакнашкал йĕркене пăсни пирки протоколсене ШĔМ ĕçченĕсем те çырма пултараççĕ.
Источник: "Каçал Ен"