06 декабря 2014 г.
Декабрĕн 9-мĕшĕ - Пĕтĕм тĕнчери коррупципе кĕрешмелли кун. Уяв çитнĕ май, прокуратура органĕсем çак енĕпе сахал мар ĕç пурнăçланине те палăртмалла. Сăмахран, кăçал коррупципе кĕрешесси çинчен калакан саккунсене пăснипе çыхăннă 111 тĕслĕхе тупса палăртнă, саккунсăр 45 право актне протестленĕ, 14 çынна дисциплина енчен, 3 çынна административлă майпа явап тыттарнă, шырав 4 заявление суда янă. Палăртса хăвармалла, 2013 çулхи январĕн 1-мĕшĕнчен "Коррупцие хирĕç тăрасси" федераци саккунне улшăнусем кĕртнĕ. Унпа килĕшỹллĕн пур организацире те коррупцие хирĕç тăрассипе ятарлă мерăсем йышăнмалла. Коррупципе кĕрешес тĕп инструментсенчен пĕри - айăплă çынсене явап тыттарни. Çавăнпа та коррупци енĕпе ыйтусем е хыпар пулсассăн тỹрех прокуратурăна пĕлтерĕр е шăнкăравлăр.
В.НИКОЛАЕВ.
Источник: "Каçал Ен"