29 ноября 2014 г.
РФ Президенчĕн 2012 çулхи майăн 7-мĕшĕнчи "Раççей Федерацийĕнчи демографи политикине пурнăçламалли мерăсем çинчен" 606-мĕш указĕпе килĕшỹллĕн хĕрарăмсем ачисене 3 çула çитиччен пăхакан отпускра професси пĕлĕвĕ е хушма вĕренỹ илме майсем туса парас тĕллевпе "Чăваш Республикин 2012-2020 çулсенче Халăха ĕçпе тивĕçтересси" патшалăх программипе килĕшỹллĕн нумай ачаллă, сусăр ачана пăхакан ашшĕ-амăшне кăçал 50 ĕç вырăнĕпе тивĕçтермелле. Унпа пĕрлех ĕçлес тĕллевлĕ 400 хĕрарăма, вĕсенчен 100-шĕ 3 çул тултарман ачана пăхакан отпускра пулсассăн, 300-шĕн - ĕç хутшăнăвĕсенче тăман тата тĕпренчĕкĕ 3 çул тултарман пулсассăн.
Кăçалхи январь - октябрь уйăхĕсенче республикăри центрсемĕçпе тивĕçтерекенсемпе çирĕплетнĕ 46 килĕшỹ тăрăх 45 хĕрарăма ĕç панă. Вĕсенчен 41-шĕ - нумай ачаллă, сусăр ачаллисем - 4. Кăçалхи 9 уйăхра республикăри 418 хĕрарăма (районта - 10 çын) профессие вĕренме янă. Вĕсем ĕç рынокĕ ыйтакан специальноçсене - бухгалтер, водитель, дизайнер, маникюр, менеджер, котельнăй, заправка станцийĕсен операторĕсем, парикмахер, сутуçă-кассир, повар, кадрсен пайĕн инспекторне - вĕренеççĕ. Ноябрĕн 1-мĕшĕ тĕлне 347-шĕ вĕренсе пĕтернĕ, ĕç вырăнĕсем тупнă. Патшалăх программипе килĕшсе тăракан мероприятисене пурнăçлама Чăваш Республикин бюджетĕнчен 5740,8 пин тенкĕ (сусăр тата нумай ачаллă ашшĕ-амăшне вырнаçтарма 1230 пин, 3 çула çитичченхи ачасемпе отпускра ларакан амăшĕсене вĕрентме - 1381,4 пин, ĕç хутшăнăвĕсенче тăмасăр 3 çула çитмен ачине пăхакансене професси пама - 3129,4 пин тенкĕ) уйăрнă.
Источник: "Каçал Ен"