19 ноября 2014 г.
Районти ĕçпе тивĕçтерекен центр çынсене ĕç тупса пама яланах хавас. Халĕ те акă яланлăх, вăхăтлăх, сезонлăх, вахта мелĕпе (пурăнмалли вырăн уйăрса параççĕ) ĕçлемелли ĕç вырăнĕсен вакансийĕсем пур. Графикпа килĕшỹллĕн 2014 çулта 15 çынна вахта мелĕпе вырнаçтарма планланă.
Кăçалхи çул пуçламăшĕнчен ĕçпе тивĕçтерекен центр районти 24 çынна тĕрлĕ регионсенче ĕçе вырнаçтарнă. Ĕç шыракансем Мускав, Тула, Волгоград, Воронеж облаçĕсене, çавăн пекех Саха-Якути Республикине кайнă. Мускав çумĕнче вырнаçнă "Конфаэль" шăккалат фабрикинче тĕрлĕ ĕç тăвакансем валли вакансисем пур.
Г.ВОРОНОВА.
Источник: "Каçал Ен"