08 ноября 2014 г.
Ноябрĕн 4-мĕшĕнче - Халăх пĕрлĕхĕн кунĕнче - "Кĕтне" физкультурăпа спорт комплексĕнче "Атте, анне, эпĕ - спорт çемйи" районти фестиваль иртрĕ. Унта 6 çемье хутшăнма кăмăл турĕ. Калашниковсен, Соколовсен, Барановсен, Осиповсен, Салминсен, Зариповсен спортпа туслă çемйисем старта тухрĕç. Вĕсем тĕрлĕ конкурссенче, эстафетăра вăй виçрĕç.
Хĕрỹ тупăшура Тукай Мишер ялĕнче пурăнакан Зариповсен команди мала тухрĕ, вĕсем - пĕрремĕш. Салминсем (Комсомольски) иккĕмĕш вырăна тивĕçрĕç, Анат Тимĕрчкассинче пурăнакан Осиповсем 3-мĕш вырăна алăран вĕçертмерĕç. Спорт ăмăртăвĕсем сывлăха çеç мар, туслăха та çирĕплетеççĕ. Пурте пĕрле пухăнса вăхăта усăллă ирттерни темрен те паха.
Ю.БОРОВКОВ.
Источник: "Каçал Ен"