08 ноября 2014 г.
Октябрĕн 27-31-мĕшĕсенче республикăра шкул ачисем хушшинче волейболла выляса мала тухассишĕн ăмăрту иртнĕ. Зонăри ăмăрту - Йĕпреçре, финал Çĕнĕ Шупашкар хулинче пулнă. Район чысне Комсомольски 2-мĕш вăтам шкулĕн (арçын ачасем) тата Шурут вăтам шкулĕн (хĕр ачасем) командисем хỹтĕленĕ. Хĕрỹ тупăшура хĕрсен команди 4-мĕш вырăна тухнă. Уйрăмах Юлия Красильникова, Татьяна Мунтайкина, Ольга Третькина, Галинăпа Олеся Уразаевăсем, Арина Яковлева, Ольга Шмелева, Олеся Голубева ăсталăхпа палăрнă. Арçын ачасен команди вара 1-мĕш вырăна алăран вĕçертмен, вĕсем республика шайĕнче пĕрремĕш хут чемпион пулса тăнă. Район чысне хỹтĕленĕ чемпионсене ятранах асăнар. Вĕсем: Динар Фарахиев, Максим Малышев, Владислав Галкин, Ростислав Романов, Николай Толстов, Дмитрий Мурзаев, Данил Бурлаков, Ранис Акшов, Максим Бабуров, Динар Шайхалов. Маттур каччăсене çĕнтерỹпе саламласа малашне те ăнăçусем сунатпăр.
Ю.ВИТАЛЬЕВ.
Источник: "Каçал Ен"