08 октября 2014 г.
Июль - сентябрь уйăхĕсенче "Чăваш Енри çуран çỹрекен çамрăксем" проектпа килĕ-шỹллĕн йĕркеленĕ "Правила дорожного движения" республикăри конкурсăн зонăри тапхăрĕ Патăрьелĕнче иртнĕ. Конкурса республикăри ача-пăча библиотеки тата Елена Светлова çыравçă йĕркелеççĕ.
Жюри членĕсем Патăрьел, Комсомольски, Елчĕк районĕсенчен тăратнă 111 ĕçпе паллашнă, пăхса тухнă, чи маттуррисене палăртнă. Вĕсен йышĕнче "Пучах" ача сачĕн воспитанникĕсемпе ĕçченĕсем пулни уйрăмах савăнтарать.
"Ỹкерчĕк" номинацире Виктория Степанова, "Алă ĕçĕ" номинацире Аня Пермякова 3-мĕш вырăнсене тухнă. "Чи лайăх сценари" хатĕрлессипе музыка учителĕ Альмира Кислякова палăрнă, вăл - 2-мĕш вырăнта. Зинаида Ксенофонтова, Танзиле Каримуллина воспитательсем "Чи лайăх мероприяти" номинацире 2-мĕш тата 3-мĕш вырăнсене тивĕçнĕ. Конкурс çĕнтерỹçисен ĕçĕсене республикăра тепĕр хутчен хаклаççĕ, ăнăçу сунатпăр вĕсене.
С.ТОКМАКОВА.
Источник: "Каçал Ен"