24 сентября 2014 г.
Çанталăк сивĕтнĕçемĕн ялсенче пушар тухас хăрушлăх ỹссе пырать. Тĕп сăлтавсенсен пĕри - кăмакасем хутнă чух пушар хăрушсăрлăх йĕркисене пăсни. Кăмакан тĕтĕм çулĕсене хăрăмран тасатсах тăмалла.
Сентябрĕн 18-19-мĕшĕсенче районти пушар асăрхав уйрăмĕпе 31-мĕш пушар чаçĕ тимĕр кăмакасем сутакан точкăсенче профилактика тĕрĕслевĕ ирттернĕ. Суту-илỹ организацийĕсен руководителĕсемпе сутуçăсене тавар туянакансене туяннă кăмакасене вырнаçтарнă чух тата вĕсемпе усă курнă вăхăтра пушар хăрушсăрлăх йĕркисене пăхăнмаллине ăнлантарса памалли инструкцисем панă.
Кăмакасемпе усă курнă чух çак йĕркесене пăхăнмалла: хутмалли тапхăрччен кăмакасене тĕрĕслемелле, вĕсене юсамалла, юсавсăр кăмакасене хутмалла мар;
кăмакасем умĕнче 0,5-0,7 мм тимĕр листисем вырнаçтармалла;
кăмакана тата кăмакан тĕтĕм çулĕсене хутма тытăнас умĕн тата хутнă тапхăрта та тасатсах тăмалла;
хутнă кăмакасене пăрахса хăвармалла мар, вĕсене пăхса тăма пĕчĕк ачасене шанмалла мар;
кăмака умĕнчи тимĕр листисем çине çунтармалли япаласем хума юрамасть;
кăмакасене чĕртме çунтармалли шĕвĕ япаласемпе усă курмалла мар;
кăмакасене ытлашши хĕртсе яма юрамасть. Мачча çинчи мăрьесемпе стенасене шуратмалла.
Пушар тухсан "01", "101", "112", Раççей МЧСĕн 8(499) 216-99-99, ЧР МЧСĕн Тĕп управленийĕн 8(8352) 39-99-99 номерĕсемпе шăнкăравламалла.
С.ЮМАНОВ.
Источник: "Каçал Ен"