06 сентября 2014 г.
Андриян Николаев космонавт ентешĕсем мухтавлă ывăлĕ çуралнăранпа 85 çул çитнине чыслăн кĕтсе илме хатĕрленеççĕ. Шуршăлти космонавтика музейĕ çак кун тĕлне 20 яхăн мероприяти ирттерме палăртнă. Вĕсенчен пĕри - "Уйри агросăн" проект. Унăн авторĕ - Çĕнĕ Шупашкарта пурăнакан пуçаруллă çын, профессиллĕ спортсмен тата предприниматель Юрий Иванов. Вăл çак ỹкерчĕке тума темиçе мел сĕнет. Чи ансатти тата йỹнни ỹснĕ курăка ятарлă технологипе çуласси е палăртнă вырăнсене кĕлпе сапса сăн ỹкерчĕк тăвасси. Е тĕрлĕ йывăç-тĕм лартса. Урăхла вариант та сĕнекен сахал мар.
- Ку проект пĕр çулта пурнăçламалли ĕç мар, вăл вăрах пытăр тата пахалăхлă пултăр. Çавăнпа эпир ăна темиçе тапхăрпа туса ирттересшĕн, - пĕлтерчĕç пĕр шухăшлăн Шуршăл ял тăрăхĕн пуçлăхĕпе Владимир Алексеевпа А.Г.Николаев космонавтăн Шуршăлти музей комплексĕн директорĕ Александр Тумаков. Сăн ỹкерчĕк тĕнче уçлăхĕнчен курăнмалла. 200-500 пин тенкĕ тăкакланĕ.
Ăна чăваш халăхĕн ырă йăли-йĕркипе - ниме йĕркипе - тума йышăннă. Ятарлă счет уçнă. Укçа-тенкĕ хывма кăмăллакансем валли "Симĕс лапам" общество фончĕн реквизичĕсем: 428027, г.Чебоксары, ул.Энгельса, д.3, корп.1. Т/ф: 8(8352) 62-00-70, 62-43-35. ИНН 2130998714 КПП213001001 ОГРН 1122100000252 Р/счет 40703810800000015539 в АКБ "Чувашкредитпромбанк" ОАО БИК 049706725 к/с 30101810200000000725.
Агросăн 3 гектар йышăнĕ. Кун пеккки хальлĕхе Раççейре те çук. Специалистсем палăртнă тăрăх вăл ял туризмĕн аталанăвне пысăк витĕм кỹмелле.
Источник: "Каçал Ен"