06 сентября 2014 г.
Раççей Федерацийĕнчи миграци лару-тăрăвĕ паянхи кун питĕ çивĕч. Ун çине пысăк тимлĕх уйăрмалла, килен-каян çынсене тĕрĕслесех тăмалла.
РФ УФМСĕн районти уйрăмĕ кăçалхи январь-август уйăхĕсенче ют çĕршывăн 115 гражданинне учета илнĕ, пĕлтĕр вĕсем 183-ĕн пулнă. Вĕсенчен 9-шĕ пурăнакан вырăнта регистрациленнĕ, 106-шĕ - çитнĕ вырăнта. Граждансем Украинăран, Азербайджанран, Латвирен, Арменирен, Грузирен, Кăркăсстанран, Молдавирен, Туркменирен, Узбекистанран, Афганистанран килсе çитнĕ.
Районта вăхăтлăх пурăнма 19 гражданин ирĕк илнĕ, ют çĕршывран килсе çитнĕ 20 çын ялан пурăнакан вырăнта тĕпленнĕ. Вĕсенчен 6-шĕ тĕрлĕ çĕрте ĕçлет те. 2014 çулта 21 гражданин уйрăм çынсем патĕнче тăрăшма патент илнĕ.
А.ГАЛКИНА.
Источник: "Каçал Ен"