02 августа 2014 г.
Шăрăх çанталăк тăнăран вăрмансенче пушар тухас хăрушлăх пысăк. Вăрмансенче кăвайт чĕртме, типĕ курăка тата çỹп-çапсене çунтарма, унта автотранспортпа кĕме юрамасть. Йĕркене пăхăнманнисене штраф параççĕ, уйрăм çынсене - 2-4 пин, должноçрисене 15-30 пин, юридици сăпатĕнчисене - 400 пин таран.
Енчен те пушар тухнине асăрхарăр пулсассăн çийĕнчех "01", "101", "112" номерсемпе шăнкăравласа пĕлтерĕр. Çавăн пекех Раççей Чрезвычайлă лару-тăру министерствин ЧР Тĕп управленийĕнче шанчăк телефонĕ ĕçлет - 8(8352)39-99-99.
Н.НАЗАРОВ.
Источник: "Каçал Ен"